Wednesday, May 23, 2012

Mekeni, Tuki Ka







E tuke… E abe…
Pangaslag ning aldo arapan me ing kekang bie
Tumiman ka’t magkanta, pasalamat king Mimye

Pampanga (Saslag na…)
Pampanga (Abak na…)
Pampanga (Keni na…)
Pampanga!

Manyaman ngan ing pamagan, ing lutung kapampangan
Sisig, pindang at buru taguilo, kamaru
Ningnang asan, bulanglang, kilo, pangat, asadu
Pansit luglug, talangka, biringi, pesa, umba

Mekeni tuki ka, malaus ka Pampanga
Mekeni tuki ka, mamasyal ta’ Pampanga
Abe-abe, tuki-tuki, libut-libut, durut-durut
E tuke, e abe! Mamasyal ta’ Pampanga!

Balen a mitmu king lagu, e kailangan dumayu
Quing patag man o bunduk, dumurut ka buntuk
Mekeni tuki ka, malaus ka Pampanga
Mekeni tuki ka, mamasyal ta’ Pampanga
Abe-abe, tuki-tuki, libut-libut, durut-durut
E tuke, e abe! Mamasyal ta’ Pampanga!

Pisamban tang pagmaragul, matwang bale nang Apu
Marangle quing paroba, bunduk ning Alaya
Mekeni tuki ka, malaus ka Pampanga
Mekeni tuki ka, mamasyal ta’ Pampanga
Abe-abe, tuki-tuki, libut-libut, durut-durut
E tuke, e abe! Mamasyal ta’ Pampanga!

Nung bias kang piyalben a patungkul quing balen
Miyayalwang fiesta, kulturang pakamal
Ligligan parul, Apung Iru, Tugak, duman, binulu
Sisig, sanduk, kuraldal, Sinukwan festival!

Mekeni tuki ka, malaus ka Pampanga
Mekeni tuki ka, mamasyal ta’ Pampanga
Abe-abe, tuki-tuki, libut-libut, durut-durut
E tuke, e abe! Mamasyal ta’ Pampanga!

Mekeni, marakal ka asali, Dinukit a muebles, pastillas at turones
Yesmas, sans rival, marakal pang marakal
Balas, caserola, ema at guitar
Ebun, chicharun, tamales, pulburun
Paro, pasu, kawali, dakal ka asali!

Ing dalan na ning bukas, quing balen tamu miras
Masaplala’t masiglang biye, mamalam pamiyabe-abe
Arapan me ing yatu! O balen kung indu!
Itangan tumiman, abe, Kapampangan!

Mekeni tuki ka, malaus ka Pampanga
Mekeni tuki ka, mamasyal ta’ Pampanga
Abe-abe, tuki-tuki, libut-libut, durut-durut
E tuke, e abe! Mamasyal ta’ Pampanga!

Mekeni tuki ka, malaus ka Pampanga
Mekeni tuki ka, mamasyal ta’ Pampanga
Abe-abe, tuki-tuki, libut-libut, durut-durut
E tuke, e abe! Mamasyal ta’ Pampanga!

PAMPANGA!

Abac A Maranun



Abac A Maranun 

Abac a maranun
anyang akit daka
mamitbit kang payung
papuntang iskwela

larynan kung linapit
mekipayung keka
nga mu pang sinabi 
pota mabasa ka

kabang lalakad ka
miagnan ka ta takbang
aru masdan muku
at maili naku man

nung balu mu sana 
kanakung isipan
buri ku kanita
muran ena tuknang


detang keyang butit
masanting la tabas
bala mu pale lang 
ume namu tikas

nung mag swekus kasa
kareng kule rosas
bala mu birhen ka
king banua menibat

i nyang misan a bengi
peninapan daka
ika ampo yaku
miagnan katang adwa

ing masalang bulan
aslagan na kata
lalam na ning balag
yang selilungan ta

Wednesday, February 15, 2012

LUGUD NING INDU











LUGUD NING INDU

Atyu ca pa quilub atian nang indu mu 
dacal nang pasaquit ing caya binie mu 
Menganib yang mate qng pangabait mu 
pauli ning saquit a e mu magcanu 
Anac cang pasusuan e ditac a puyat 
ing pibabata na uli ning quecang quiac 
Aguiang mamangan ya bigla yang talacad 
lalu't nung aquit na taca mamagdinat 

Aniang malati ca quenu ca sinusu 
at quenu la tacde reng quinandung queca 
Ninu ing minuma mingatbang pisngi mu 
ala't e aliwa nung e mu y indu mu 
Potang masaquit ca tana ca mo quiquiac 
ninu ing mumuna a queca lilingap 
Ninu ing tatangis nung e ca cacayap 
bucud nang indu mo tatangis magsalbat 

Ibpa at indu mo tutung picabaluan 
ing tutu lang martir qng capibabatan 
Mayumung lugud da mayumung taguimpan 
dapot ing ablas mu mapait nung misan 

Potang matua nacang maina na catawan 
carening tacde cu ica ing candungan 
Ba cung macayablas queng quecang depatan 
Indu, mal canaco queti qng sicluban 
Datang ing panaun nung mirate na ca 
acu ing tumanud queng siping mung cama 
Acu ing mibata aguiang nanu pa'ita 
anga qng cutcutan Indo yatad daca 

Cacutcut mu Indo yacu muli na cu 
layun cong lingunan detang capatad cu 
Uling yacu na mu ing matuang licuan mu 
ala na, ala na, o rugu, Indu co 
Casaquit na Indo ning mamangulila 
licuan mong anac mu queti qng masala 
Nung aquit mu la mu quening cabilian da 
atilu qng cubo mipapanangis la.







Iniang Malati Cu









Ecu pa quelinguan iniang malati ku,
Malati ca naman icang quequialung cu,
Maligaya cu bie queti babo yatu,
Uling balang saglit ati ca siping cu.

Mamialungan cata picu ampong sintac,
Ninu mang masambot parusan yang terac,
O neng acu rugu migculang cung palad,
Pigtiririn mu cu saca cu tinerac.

Cabang teterac cu lulundag lulucsu,
Sabe ning sagacgac, palacpac qng gamat mu,
E mu cu ticnangan anggang mepagal cu,
sinunga cu rugu't tinulung pawas cu.

Keta Pu Kekami












Keta pu kekami

Kubu ming malati
Di Ima ku't Tatang
Parati lang maili.

Manakit kung lugud
Agguiang tutung dimut
Ing kekeng pamangan
Malan a susulud.

Ding siping ming bale
Agguiang makuwalta la
Alus king aldo-aldo
Mipangulisak la

Ding karelang anak
Parati kikiyak la
Agguia mang mabsi la
Keng lugud ala la.

E la pu masaya
Agguiang makuwalta la
Uling maimut la
Mapagmatas la pa.

Turu nang Tatang ku
Keng kuwalta ala yu
Ala keng pibandian
Saya't kapayapan.

Keng pamikalugud
Karin me akamptan
Ing tula at saya
Keti king sikluban.

keta pu kekami ..
KETA PU KEKAMI

Tuesday, February 14, 2012

Atin Cu Pung Singsing

Atin ku pung singsing
Metung yang timpukan
Amana ke iti
King indung ibatan.

Sangkan keng sininup
King metung a kaban
Mewala ya iti,
E ku kamalayan.

Ing sukal ning lub ku
Susukdul king banwa
Pikurus kung gamat
Babo ning lamesa.

Ninu mang manakit
King singsing kung mana
Kalulung pusu ku
Manginu ya keya.